tech4pales tech4pales
اخبار

آخر الأخبار

اخبار
اخبار
جاري التحميل ...
اخبار

4 نقاط مهمة يجب عليك التفكير بها قبل بناء الكمبيوتر الخاص بك

السلام عليكم ، اليوم ان شاء الله وبسلسلة جديدة وطريقة جديدة بالتقديم والتي سيكون عنوانها تركيب كمبيوتر احترافي يتوافق مع احتياجاتك
تركيب pc gaming
قبل ما ابدأ اي شيء بدي انوه بخصوص الاخوة اللي بتابعوني من فلسطين واللي بدو يكون عندو جهاز محترم فأنا بأستمرار بكون عندي اجهزة بجمعها طبعا اجهزة احترافية وحاليا موجود عندي كمبيوتر 
جمعته قبل يومين بمواصفات عالية مع هدية حلوة ، عشان تعرف كل اشي عن هذا الجهاز بتقدر تتواصل معي من خلال صفحتنا على الفيس بوك اللي رابطها بالوصف او من خلال رقمي اللي رح يظهرلك بالشاشة الان
كيف تركيب pc
خلينا نرجع لموضوع حلقتنا
واللي فيه رح نحكي عن كيف تجميع كمبيوتر احترافي حسب وضعك ، وهاي السلسلة رح تتألف من 3 حلقات وكل حلقة منحكي فيها اشي معين
نقاط مهمة قبل تركيب ال pc
اول حلقة اليوم واللي رح نتكلم فيها عن امول عامة لازم تفكر فيها قبل ما تشتري اي قطعة كانت رخيصة او كانت غالية وحسب تجربتي اللي فيها بنيت 2 كمبيوتر بآخر شهرين لما جمعت الكمبيوتر الاول واكون صريح معكم غلطت اغلاط تافهة وقاتلة وبنفس الوقت تعلمت منها
بس لما جمعت الكمبيوتر الثاني ما غلطت ولا غلطة وجمعته بكل راحة
4 نقاط مهمة يجب عليك التفكير بها قبل بناء الكمبيوتر الخاص بك
فجمعتلكم شو اهم اشياء لازم تفكر فيها وجمعتلكم كمان اغلاطي اللي غلطها وانا اجمع بالكمبيوتر الاول وبهاي الحلقة رح اناقشكم فيها عشان ما تغلط مثلي وتجمع كمبيوترك بكل راحة وسهولة وبنفسك كمان


1- فأول شيء بدك تعملو انك تحدد الميزانية اللي انت بتقدر تدفعها للكمبيوتر اللي بدك تجمعه وهذا اشي مهم لانو ما بزبط تروح تختار القطع وتتعب انت تختار وبالاخر تطلع ميزانيتك ما بتسمح فهذا شيء مهم


2- ثاني شي هو هدفك من الكمبيوتر واللي منقصد فيه هو استعمالك شو رح يكون ، اذا كان جيمنج او للتصفح او للتصميم
علا سبيل المثال ما بزبط انك تجيب احدث القطع اللي نازلة على السوق وتدفع عليها مبلغ ضخم عشان بالاخر تروح تتصفح وتفتح مواقع التواصل الاجتماعي ، لانو انت بتقدر تشتري جهاز بتكلفة قليلة وبالاداء المناسب اللي يلبيلك هذا الغرض فهذي ايضا نقطة مهمة لازت تنتبه الها


3- ثالثا بعد ما حددت الميزانية والاستخدام اجا الدور انك تشتري القطع وطبعا لازم تكون عارف من وين بدك تشتري اذا كنت بدك تشتري محلي او من مواقع خارج بلدك ، ومن الاشياء المهمة جدا جدا في هاي النقطة انك قبل ما تشتري 
اي قطعة لازم تسأل عنها اي شخص بفهم بمجال الكمبيوتر وانا شخصيا بعمل هيك حتى لو كانت القطعة حقها 10 دولار او 1000 دولار لازم انك تسأل لانو يمكن يعطيك معلومة ما كانت عندك من قبل وعليها تكمل 
وبالنسبة لتوافق القطع فهذا الشيء رح نتكلم عليه بالحلقة الثانية من هذي السلسلة




4- رابعا وبعد ما تشتري القطع اللي توافقت مع كل النقاط اللي قلتلكم ياها اجا الدور انك تركب الكمبيوتر تبعك ، طبعا تركيب الكمبيوتر كأول مرة انت بتركب كمبيوتر رح يكون عليك صعب شوي بس ما بنصحك انك توديها لشخص يركبلك
لانو يمكن هذا الشخص يبدل قطعة او انو يكسرلك شغلة وما يقلك عنها عشان ما يتكلف بشيء ، الا اذا كان هذا الشخص بينك وبينو معرفة او انك تضلك تتفرج عليه وهو يركبلك الكمبيوتر وانا ان شاء الله
بالحلقة الثالثة من هذا السلسلة رح نحكي فيها عن طريقة تركيب الكمبيوتر    

ولهون انتهينا من هاي الحلقة واللي هي الاولى من هالسلسلة وانا متأكد انكم استفدم ، لاني كتبتلكم الموضوع من خبرتي ومن تجربتي في بناء الكمبيوتر

وبتمنى بالنهاية ما تنسى تتدعمني باشتراك ولايك عشان نستمر وانتظروني بالحلقة الثانية من هاي السلسلة اذا كنت مهتم 
والسلام عليكم ورحمة الله وبركاته

شاهد الفيديو :

التعليقات



إذا أعجبك محتوى مدونتنا نتمنى البقاء على تواصل دائم ، فقط قم بإدخال بريدك الإلكتروني للإشتراك في بريد المدونة السريع ليصلك جديد المدونة أولاً بأول ، كما يمكنك إرسال رساله بالضغط على الزر المجاور ...

إتصل بنا

جميع الحقوق محفوظة ل

tech4pales

2017